St. Vincent
Enn Erin Klark (28 sentyabr 1982, Talsa) — St. Vincent kimi tanınan ABŞ musiqiçisi, müğənnisi və bəstəkarı. Gitara ifaçılığında melodik üslub və səs təhrifindən istifadə edir. "Rolling Stone" nəşri onu 2023-cü ildə bütün dövrlərin ən yaxşı 26-cı gitaraçısı elan edib.
E. Klark Dallasda boya-başa çatıb. "The Polyphonic Spree" xoral rok qrupunda və Sufyan Stivensin konsert qrupunda çalışıb. 2006-cı ildə müstəqil kollektiv yaradıb. 2007–2024-cü illərdə yeddi studiya albomu buraxıb. 2012-ci ildə "Talking Heads" qrupunun üzvü Devid Birn ilə "Love This Giant" albomunu hazırlayıb. Prodüser və bəstəkar Cek Antonoffla iki albomda əməkdaşlıq edib.
"Sleater-Kinney" qrupunun "The Center Won't Hold" (2019) albomunun prodüseri olub. Teylor Sviftin "Cruel Summer" əsərinin müəlliflərindən biridir. Əsər "Billboard Hot 100" hit-paradında birinci yerə çıxıb. "XX" (2017) film toplusunun bir hissəsini rejissor kimi çəkib. "Heç yerdə olmayan mehmanxana" (orij. "The Nowhere Inn") (2020) filminə ssenari yazıb və baş rolda çəkilib. "Qremmi" mükafatının altı dəfə laureatıdır. Bu mükafatlardan üçü "Ən yaxşı alternativ musiqi albomu" kateqoriyasında verilib. Həmin kateqoriyada rekord göstərici sayılır.
Similar Artists