Gözlərin aldı məni,
Kəməndə saldı məni.
Getmə, getmə, gəl.
Amandır, qoymayın,
Yar gözdən saldı məni.
Getmə, getmə, gəl.
Qurban o xan gözünə,
Nazla baxan gözünə.
Getmə, getmə, gəl.
Yenə sürmə çəkmisən,
Evlər yıxan gözünə.
Getmə, getmə, gəl.
Sənin ala gözlərin,
Canım ala gözlərin.
Getmə, getmə, gəl.
Qorxuram bir gün öləm,
Yada qala gözlərin.
Getmə, getmə, gəl.
Gözlərin məsti, nədir?
Elə bil, qəsdimədir.
Getmə, gəl.
Yar məni incitməklə,
Bilmirəm, qəsdi nədir.
Getmə, gəl.
Qurban o xan gözünə,
Nazla baxan gözünə.
Getmə, getmə, gəl.
Yenə sürmə çəkmisən,
Evlər yıxan gözünə.
Getmə, getmə, gəl
