"Etiraf" - Sözləri (Lyrics)
Sevdim bir nəfəri, Yandım alışdım
Bəzən də incitdim, Küsdüm barışdım
Yaz yağışı oldum, Selə qarışdım
Dilə gətirmədim, Bu məhəbbəti

Sevirəm sözünü qıymadım amma
Gözləri ümmandı doymadım amma
Ona söyləmədim duymadı amma
Gəzsəm də tapmaram bu sədaqəti

Qəlbi möhtac oldu bircə kəlməyə
Puç olmuş ümidlər gedə gəlməyə
Ömründə bircə yol yaşın silməyə
Əlim uzanmadı gözünə qəti