Həyat acıdı demə boş şey
Bu acının içində səni sevmək var
Sən güləndə keyfim açılır
Bu keyfə acıdan geri dönmək var

Hər şey bir birinə bağlı
Hislər incidir ağılı
Xəyallar elə bir dağdı
Mum kimi susduqca
Qum kimi dağılır

Səndən bir müddət ayrı qalmaq
İstəmirəm inan heç vaxt
Çəkmə sinəmə Sina dağ
Sevməkdir insana inanmaq

Səndən bir müddət ayrı qalmaq
Belə ,
Dərdlər oldu nargilə
Çox çəkdim sənsiz çilə
Döndərmə qəlbi qatilə

Oğruyam
Gəlmişəm bu dünyadan səni oğruyam
Gəlmişəm ki, səhvləri bir bir doğruyam
Çəkə çəkə o göz yaşları sorğuya
Düşmə qorxuya
çünki mən doğruyam
Gəlmişəm bu dünyadan səni oğruyam
Gəlmişəm ki, səhvləri bir bir doğruyam
Çəkə çəkə o göz yaşları sorğuya
Qorxma yanındayam

Var olmaqdan qorxmusan mı, heç ?
Yox olmaqdan qorxduğun kimi
Qarışdı suyla yoxluğun kimi
Yoğurdun yoxluğu yoxluq un kimi

Özüvü yorma məni yorduğun kimi
Olan olub sən də ol olduğun kimi
Olduğu kimi, heç bir mahnı oxumadım
Gözlərindən ayrılığı oxuduğum kimi

Dünyam ol , röyalardan oyanaq gerçək ol
Xülyalardan ayılaq təkcə yol
Söz dünyadısa şeir yazmaq şair olmaqdısa məncə yox
Səmalarım vadi
Səbalarım badi
Gələr qeyri adi
Bu ürək sevmək üçün hər şeyə qadir
Yaradılanı sev Yaradana xatir