Yusif Əhmədli - Xəyanət

Necə səssiz, soyuq baxırsan
Gözlərimin içinə günahkar kimi,
İndi qarşımda ağlayırsan
Səbəbi bilinməz səbəbkar kimi.

Əllərimdən isidilən əllər
İndi soyuqdan donurmu de,
Zaman keçir, ötür fəsillər,
Xəyanətin unudulurmu de.

Qoy yağsın yağışlar,
Yuyub aparsın göz yaşlarımı,
Qoy çaxsın şimşəklər,
Işığında hiss edim o baxışlarını.

Geri qalmadı yol dönməyinə,
Necə inandım axı sevməyinə,
Kimə görə satdın mənliyini,
Söylə, dəyərmi bu cür getməyinə?

Yenə sənsiz bumbuz otaqlar,
Xəyanətin mənə kədər verir,
Tək təsəllim əsən küləklər,
O da mənə səndən xəbər verir.

Bu qədər acı həsrət bəsdir,
Ömrüm yetməz bu dəhşətə,
Daha görüşməyək, daha bəsdir,
Son qoyaq, gülüm, bu söhbətə.