Qadasın aldığım.

Hər kimə can dedim, yaxdı canımı,
Qaldıra bilməyib şöhrət-şanımı.
Göstərdilər mənə düz ünvanımı,
Thənk you....

Dünya fani, könlüm bütöv, gözüm tox,
Hədəf oldum, kürəyimdən dəydi ox.
Anlatdılar, əllərimin duzu yox,
Thənk you...

Hər üzümə güləni dost bilmişəm,
Ağlayanda gözlərini silmişəm,
Aldanmaram, görə-görə gəlmişəm,
Thənk you.....

Babalarım söyləməyibdir əbəs:
"Yamanlar olmasa, yaxşı bilinməz",
Ona görə mənim kimi kim deməz?
-Thənk you