Xəzərimin sinəsi gah zil, gah da bəm olur
Yarpaqları, gülləri niyə hərdən nəm olur?
Səndən ayrı düşəndə sinəm dolu qəm olur
Səndən ayrı düşəndə sinəm dolu qəm olur
Qucağında Xəzərin yatıb, dincələn Bakı
Qarı, çiskin yağışı, əyri-köndələn Bakı
Qucağında Xəzərin yatıb, dincələn Bakı
Qarı, çiskin yağışı, əyri-köndələn Bakı

Hələ neçə küçədə güllər dəstələnməyib
Hələ neçə mahnının xalı bəstələnməyib
Yüz il ömür sürəydim, bir gün xəstələnməyib
Yüz il ömür sürəydim, bir gün xəstələnməyib
Yazaydım, yaradaydım şux nəğməni mən, Bakı
Oxuyaydım hər yanda onu ürəkdən, Bakı
Yazaydım, yaradaydım şux nəğməni mən, Bakı
Oxuyaydım hər yanda onu ürəkdən, Bakı
Onu ürəkdən, Bakı
Onu ürəkdən, Bakı