Baxışlı - Bu şəhər susqun

Bu şəhər susqun, küçələr səssiz
Yollar da gizlədir izini sənin
Bu ürək yorğun, tənha, kimsəsiz
Xəyalda axtarır özünü sənin.

Külək pıçıldayır adını sanki,
Gecələr sənsizlik çökür üstümə
Ay da üz döndərib məndən inan ki,
Sanki ulduzlar da durub qəsdimə.

Keçmişin izləri qəlbimdə qalıb
Hər zərrəsində bir xatirən var
Nə yollar aparır keçmişə məni,
Nə zaman o ana məni qaytarar.