Səyyad Əlizadə & Ayşən Mehdiyeva - Mahitəbanım

Batmışıq çəməndə gülün ətrinə,
Quşlar nəğmə deyir sənin xətrinə.
Bir aylı gecənin düşüb sehrinə,
Göydə ulduzları sayan olmuşuq.

Ay canım,ay gözüm,ay mehribanım,
Şahım,sultanımsan ,mahitəbanım.

Dodaq deyə bilməz gözlər deyəni,
Məni duyduğun tək duymuşam səni.
Udub ,dilə gələn sözü, kəlməni,
Baxışdan anlayan, duyan olmuşuq.

Ay canım,ay gözüm,ay mehribanım,
Şahım, sultanımsan, mahitəbanım.
.
Baxışın qəlbimdə ocaq qalayıb,
Vüsalın ruhumu göyə calayıb.
Həsrətin ömrümü didib, talayıb,
Bir ili, bir günə qıyan olmuşuq.

Sevgi atəşində oda yanmışıq,
Bu odu bir həzin külək sanmışıq.
Min şirin söz ilə ac dolanmışıq,
Bir acı söz ilə doyan olmuşuq.