Xəyal Bəhərçinov & Le10 — Yarım Adam

Nəqarət:
Darıxıram amma sənə yadam
Sənsiz bu adam yarım adam
Bu eşqə görə gör nə hala düşdük
Biz iki aşiq yarımadan

[1-ci hissə]
Getmə, qal yanımda dərdimə dərman
Eşqimə fərman yazılıb sözlərim ümman
Sən günəşin işıltısı, mən soyuq bir qardan adam
Unutduğun tək şey var: biz qalırıq, gedir zaman
Darıxmışam ! Yoxluğunda ciyərlərə zəhər dolu
Fikir yorur gecə-gündüz, badələrə kədər dolur
Tərk edilmiş ev kimi idi, günü-gündən çökür solum
Yaratdığın bir əsər mən, ya qal ya get bitir sonun

[2-ci hissə]
Baxışların əzab olar qəlbini qırsam
Bu ürəyim azad olar o əlini tutsam
Qarşına çıxsam, sevirəm deməsən
Getməyinin əvəzinə dünyamı yıxsan...
Olmadı heç cür, olmadı bax !
Bacarmaram axı səndən uzaq
Sağımda-solumda, yanımda sonunda
Səndən başqası qalmadı bax

[3-cü hissə]
Zaman keçir, düşüncələr dəyişir
Sənlə olan xəyallarım keçmişdə ilişib
Qırıq qəlbdən düzəltdiyim sevgi idi əl işim
Sən görünən mələkdinsə, günahkarla nə işin ?!
Sən içimdə saflığımın aynalardan yansıması
Gəl, elə bir işıq saç ki, heç kəs səni anlamasın
Gülüşünlə parıldasın, hər zərrən yadımdadır
Bu şəhərin yalnızlığı hər gün səni anımsadır