Nazpəri Dostəliyeva - Kimə Deyim Bu Dərdimi

Bir ürəyəm, arzu-kamsız
Qismətim var dadsız, tamsız
Bir otağam qərib, şamsız
Kimə deyim bu dərdimi
Bir həsrətəm qəlbi dönük
Bir sevgiyəm odu sönük
Bir naləyəm bölük-bölük
Kimə deyim bu dərdimi
Hay-haraylı seləm indi
İnildəyən neyəm indi
Bir nəğməsiz teləm indi
Kimə deyim bu dərdimi
Şəffaf sulu bir bulağam
Başı qarlı uca dağam
Xəzan olmuş bağça-bağam
Kimə deyim bu dərdimi