Nazryn - Oğlum

30. 01.13 saat 19:30 - bu gün oğlumun doğum günüdür.
Salam, oğlum. Bir gün yolun buralara düşəcək və ümid edirəm ki, bu sözləri mənimlə birlikdə oxuyacaqsan. Sənə sağlam olmağı arzu edirəm, çünki əlimizdən gələn ən çətin iş - sağlam qalmaqdır. Sənə əbədiyyatını arzu edirəm, çünki mənəvi yaşam cismindən yüz pillə yuxarıdadır. Sənə hər zaman təmiz qalmağını arzu edirəm, çünki arzularının daha tez gerçəkləşməsi və eşidilməsi üçün ruhən və cismən təmiz olmalısan. Və sənə ən böyük nemət olan - sevgini, eşqi arzu edirəm, çünki gözlərinin aydınlanması üçün, oyaq qalmağın üçün özünə və ətrafına eşqlə yanaşmağı bacarmalısan. Səni bu dünyada sevməyə bilərlər, görməyə bilərlər, sənə yaxşı olmaya bilərlər, sənə istəmədiyin kimi yanaşa bilərlər, amma həyatında qəbul etdiklərin və yaradıb/dağıtdıqların yalnız sənin məsuliyyətin və sənin öhdəliyindir. Sənə aid olmayan heç nəyə görə öhdəlik daşıma və unutma ki, cismin belə müvəqqəti sənə aiddir. Öz yolundan istəsən dön, istəsən dönmə. Nəyi istədiyini bilməsən də, nəyi istəmədiyini dəqiq bil. Əsla ruhunu və cismini sənə zərər verən insan, hadisə, düşüncə, müdaxilə ilə bulandırma. Sən yaradılan bütün varlıqlar kimi mükəmməlsən, özəlsən və əvəzolunmazsan. Səni əbədi sevirəm.

#nazryn #oglum #fidanaliva #ambient