Zaur Əmiraslanov - Harada Qalmısan

Mənim saçlarıma daha dən düşür
Gəl, öyrən dərdimi, gör nədən düşür?
Aylar gəlib keçir, illər ötüşür
Səni gözləyirəm, harda qalmısan?
Bu ocaq sönübdür, qalıbdır külü
Nəfəsim təntiyir, canım bürkülü
Əllərim qoynumda boynu bükülü
Səni gözləyirəm, harda qalmısan?

Başıma bir bəla olmasın sevgi
Amandır, gül kimi solmasın sevgi!
Həsrətin buzunu əridəcək ki
Səni gözləyirəm, harda qalmısan?

Təzədən yuxumu gözümə qaytar
Bu eşqin odunu közümə qaytar
Sən mənim özümü özümə qaytar
Səni gözləyirəm, harda qalmısan?
Qayıt gəl yanıma sən gülə-gülə
Yanar ürəyimə bir az su çilə
Sənə qurban olum, ay qaragilə
Səni gözləyirəm, harda qalmısan?

Başıma bir bəla olmasın sevgi
Amandır, gül kimi solmasın sevgi!
Həsrətin buzunu əridəcək ki
Səni gözləyirəm, harda qalmısan?

Başıma bir bəla olmasın sevgi
Amandır, gül kimi solmasın sevgi!
Həsrətin buzunu əridəcək ki
Səni gözləyirəm, harda qalmısan?