Teymur Əmrah • Ağlama

Gül üzümə mən də gülüm,
Su olum daşdan süzülüm.
Gül, ey mənim gülər üzlüm,
Mənim ağlarım, ağlama.

Sən ağlasan mən ağlaram.
Ağlama, yarım ağlama.
Nə gücüm var kömək olum,
Nə ixtiyarım, ağlama.

Çölü düzü duman alıb,
Ürəyimi güman alıb.
Qış üstümü yaman alıb,
Mənim ağlarım, ağlama.

Payızdır, yapraq tökülür.
Uçur kərpicim, tökülür.
Fikirdən belim bükülür,
Sınır vüqarım, ağlama.