"Ölə Bilmirəm" Sözləri ilə

Mən hələ bu eşqin tələsindəyəm,
Sənə gedən yolun hələsindəyəm…
Gözümün yaşında, giləsindəyəm,
Bu necə bəladır bilə bilmirəm!

Bir həzin titrəkdi,səsdi içimdə,
Sənə ümidimi kəsdi içimdə,
Bu ümid özündən küsdü icimdə,
Bəlkə barışacaq , hələ bilmurəm!?

Çoxdan itirmişəm özüm özümü,
Çəkmişəm yolundan baxan gözümü.
Qalmayıb bu yükə dözən dözümüm,
Mən necə yaşayım belə, bilmirəm!

Sağalmaz sitəmsən sinəmdə mənim,
Niyə kəsilmisən sən mənə qənim?!
Ay mənim imanim, ay mənim dinim,
Çoxdan unutmuşam , gülə bilmirəm!

Ölüb dirilmişəm mən dönə-dönə.
Məni öldürməyə gəlmisən yenə?
Mən axı nə deyim, nə deyim sənə,
Mən ölə bilmirəm, ölə bilmirəm!!!