Punhan Alatava (Azim) - Dostum

Dostum məni incitmə qəlbində Xuda vardır
Dünyaya gələn gündən başımda bəla vardır

Hərdən məni xatırla hərdən məni yad eylə
Susduqca susur qəlbim dindir məni şad eylə
Dindir məni şad eylə qəmlərdən azad eylə
Dostum məni incitmə qəlbində Xuda vardır
Dünyaya gələn gündən başımda bəla vardır

Kim bəxtəvər insandı Allaha pənah etmiş
Üz döndərən Allahdan əlbəttə günah etmiş
Nə üçün bəşər övladı dünyaya pənah etmiş
Beş günlük olan yerdə bilməm nə səfa vardır

Bir köhnə məsəl var ki qəmsiz günümüz qəmdir
Dərd ömrümə həmdərddir qəm könlümə həmdəmdi
Dünya belə dünyadı aləm belə aləmdir
Kamımca səfa yoxdur könlümcə cəfa vardır

Bir dalğalı dəryatək sevgiylə aşıb daşsın
İnsan pis əməllərdən vaxtında uzaqlaşsın
Nəfsindən uzaqlaşsın Allaha yaxınlaşsın
Əvvəldə gərək bilsin axırda cəza vardır

Çirkaba batıb getsin əfv eylə məni Ya Rəb
Öz könlümü incitsəm əfv eylə məni Ya Rəb
Mən hər nə günah etsəm əfv eylə məni Ya Rəb
Sultanda kərəm çoxdur qullarda xəta vardır.