Unutmaq istərəm, özüm özümdən
Bir daha ayrılıb haçalanmayım
Gecələr yatıram bir fikirlə mən
Səni düşünməyim, səni anmayım
A gülüm, səni anmayım
Səni anmayım, a gülüm
Səni anmayım
Bu elə qayğı ki, bu elə qəm ki
Azdırar yüz illik yolundan səni
Gecə də, gündüz də düşünürəm ki
Gərək düşünməyim heç zaman səni
A gülüm, heç zaman səni
Anmayım səni, a gülüm
Heç zaman səni
Unudar fikirdə, xəyalda, təkcə
Unutmaz ürəkdə sevən sevəni
Mən özüm özümə "unut" dedikcə
Özümü unudub tapıram səni, a gülüm
Tapıram səni
Tapıram səni, a gülüm
Tapıram səni