Fərqanə Qasımova • Yaradan

Əgər dərd əlindən qulun Nizami

Ey adın gözəl başlanqıc olan
Adınla başlanır yazdığım dastan
Ey xatirəsi könlümə həmdəm
Adın düşməmiş bir an dilimnən
Adın düşməmiş bir an dilimnən
Bütün varlıqları özün yaratdın
Bağlı qapılara açardır adın

Adının qərarı olmadan əvvəl
Qələm tutmamış dünyada bir əl
Qələm tutmamış dünyada bir əl

Əgər dərd üzündən qulun Nizami
Sənə yalvardısa, tut ilticami

Dəryandan yüksələn bulut bil məni
Yağsam da, boşaltma bu xəzinəni

Ey öz varlığı da bilinməz hikmət
Zahirə, batinə bir sənsən bələd
Bütün canlılar, cansızlar ki var
"Yaran" deməyinlə yarandı onlar

Ey sirr aləminin ulu məhrəmi
Dolduran, boşaldan sənsən aləmi
Sənin sifətində öz tərifin var
Yox sözün yox olur, var sözün də var

Yolun, işığıdır əbədiyyətin
Şəriksiz yaranmış bütün niyyətin
Saysız yaratdığın nemətlər durur
Bu sirri tapmağa acizdir şüur
Lütfünlə hər şeyin qeydinə qaldın
Dünyanı ən yarar bir şəklə saldın
Dünyanı ən yarar bir şəklə saldın

Ey bütün varlığın həyat təməli
Yetməz dərgahına bir insan əli
Sənin tərifindir "təbarəkallah"
Alqış cəlalına, feyzinə, Allah

Ey özü varlığı bilinməz hikmət
Zahirə, batinə bir sənsən bələd
Bütün canlılar, cansızlar ki, var
"Yaran" deməyinlə yarandı onlar

Ey sirr aləminin ulu məhrəmi
Dolduran, boşaldan sənsən aləmi
Sənin sifətində öz tərifin var
Yox sözün yox olur, var sözün də var
Sənin sifətində öz tərifin var
Yox sözün yox olur, var sözün də var

Ey bütün varlığın həyat təməli
Yetməz dərgahına bir insan əli
Sənin tərifindir "təbarəkallah"
Alqış cəlalına, feyzinə, Allah