İlqar Muradov • Həzin Bulaq Kimi (Ömrümün Istəyi)

Həzin bulaq kimi
Sönməz çıraq kimi
Sevgim gələr dilə, yar

Hicran gəlib, getməz
Coşan könlüm dinməz
Bunu heç kim bilməz, yar
Sənsiz yanar ürək
Susar arzu, dilək
Dönər solğun gülə, yar
Harda qaldın, harda?
Gözüm intizarda
Qayıt, baharım, tez gəl
Sevimli, gül yarım
Şirin arzularım
Yolunu gözlərəm, gəl

Ömrümün qisməti
Sevgimin həsrəti
Dilimin əzbəri, gəl

Yoruldu gözlərim
Qırıldı sözlərim
Silindi izlərim, gəl

Həsrət qəlbim dolar
Açan gülüm solar
Ömrüm xəzan olar, gəl

Həsrət qəlbim dolar
Açan gülüm solar
Ömrüm xəzan olar, gəl