Sözləri:
Məni sevdiyini düşünürsən sən,
Fəqət öz sevgini görə bilmirsən,
Mənasız şöhrətdən qanadlanmısan,
Taleyi küsdürsən, küsən deyiləm.

Özünü itirmək böyük dərd deyil,
Dərd bircə odur ki, inancın sönə,
Özünü kəşf eylə, öyrən sevməyi,
İtirsən də bil ki, taparsan yenə.

Gerçəyə bağlanıb, şübhəni unut
Sev, sən yenə sev hər şeyə rəğmən,
Dünyada həqiqət nədir bilən yox
Bunu dərk eylə sən, sev tam ürəkdən!