Gül baxçalar arasında qoşa gəzdik,
Axşamacan yorulmazdıq, , dincəlməzdik,
Bulud ötər, ulduz axar, biz baxardıq, Nə bəxtiyardıq!
Ay dolandı, il dolandı, ötdü zaman,
Son baharda aramızı kəsdi duman,
Dönə, dönə o günləri xatırlaram , Nə bəxtiyardıq!
Gəl alovlu günlərim,
Qəlbimdə yurd salan sevincim, kədərim,
Ah nələri, nələri tapdıq, itirdik...
Hərdən, hərdən o günlərim düşər yada,
Qara saçlar zaman-zaman ağarsa da
Sənlə keçən günlərimi xatırlaram, Nə bəxtiyardıq...
Ay dolandı, il dolandı, keçdi zaman,
Son baharda aramızı kəsdi duman,
Dönə, dönə o günləri xatırlaram, Nə bəxtiyardıq...
