Namiq Qaraçuxurlu - İnana Bilmirəm

Sənə necə inanmışam, inana bilmirəm
Yadıma düşür dəli oluram, dayana bilmirəm
Hara baxıram gözümə dərin- dərin gəlirsən
Hədəf eləyib, həyatımın hər yerinə gəlirsən
Gecələridə yuxuma, şirin- şirin gəlirsən
Gündüz olur, axşam olur oyana bilmirəm
Bu necə tilsimdir tamam sirri müənma
Mən dəli divanədən əsla ağıl umma
Sən mənə min cövrü cəfa vermisən amma
Hələ də mən sənin eşqindən usana bilmirəm
Sənə necə inanmışam, inana bilmirəm
Yadıma düşür dəli oluram, dayana bilmirəm
Onsuz həyat intizar dolu bir həyatdır
Heçnə istəmirəm bilim, sağ salamatdır
Könlüm açılmır gecə- gündüz narahatdır
Yarın nazın çəkib, başına dolana bilmirəm
Hiss edirəm ki, gələcəksən axır- əvvəl
Bəlkə də indi inadındır sənə əngəl
Əf diləyib gəlirsənsə, gözləyirəm gəl
Tələs, gəncliyim tələsir yubana bilmirəm.
Nəvazişindən elə möhkəm yuva saldın,
Harda məni tərk elədin, ordada qaldım
Mən sənin məhəbbətinin rəngini aldım,
İndidə bir başqa rəngə boyana bilmirəm
Sənə necə inanmışam, inana bilmirəm
Yadıma düşür dəli oluram, dayana bilmirəm

Written by: Namiq Qaraçuxurlu