Abbasəli Aydın - Köhnə Günlər 2025

Bir yerdə bir neçə uşaq böyüdən
Hamını doyduran eyni sinidən
Anam çimizdirə qaçıb yenidən
Palçığa batdığım günlər olaydı

Bezəndə əlimdən məhlədə hamı
Qaçdığım yer idi evimizin damı
Bir köhnə papağı bayram axşamı
Qonşuya atdığım günlər olaydı

Mən idim atama tək oxşadığım
Anam deyəndə get tez axsadığım
Atdığım zibillə top oynadığım
Başımı qatdığım günlər olaydı

Allah ayrılığı yazıbsa poza
Yarımçıq talehi yenidən yaza
Yol pulu almağa sevdiyim qıza
Butulka satdığım günlər olaydı

Nəqarət

Sən demə çox yaşın dərdi çox imiş
On yaşa çatdığım günlər olaydı
Anam çığıranda atam döyəndə
Başımı tutduğum günlər olaydı