Orkhan Zeynalli - Çox Sağ Ol

****
Çox sağ ol
Bunu bu qədər içdən dediyimi xatırlamıram
Hisslər iynədir
Hər dəfə qucaqlaşanda batır qanıma
Sənlə həyat sürət qatarıdır, ünvan xoşbəxtlik
Bəyaz libasdakı simanın işığından
Mənə bu qədər yaraşıb bəylik

Bizim sevginin cavabı çox sadədir: 1+1
Yaşlı bir ağacın altında
Hüzuruna diz üstə gəldim
Bu şeirlərin hər bəndindən
Hər sətrindən, hər sözündən
Ruhumun qaçmaq arzuları
Duyulurdu bu yer üzündən

Sonra sən gəldin
Məndəki “mən”lər sənlə həyatımıza əngəl idi
Qəm yatağıma öyrəşmişdim, tənbəl idim
Sən demə, həyatın mənə hazırladığı
İmtahanım sənsən
Qış fəslindən yaralı qəlbə
Güllər aça biləcək baharım sənsən

****
Bu dünyada tək ümid yerimsən
Çox sağ ol ki, sən
Çox sağ ol ki, sən

Güvəndiyim bərk, sarıldığım tək
Çox sağ ol ki, sən
Çox sağ ol ki, sən

****
Çox sağ ol
Mənə bu qədər həyat dərsini vermədi heç kim
Sənə layiq olmaq üçün süzdüm özümü
Vicdanımdan süzgəc kimi
Uzağın adı yoxdur, yollar aparar, qürbətim sənsən
Qaranlıq qorxutmaz, gözəlim
Yum gözünü, zülmətim sənsən

Ötən günlərim yük belimdə
Bilirəm, onu daşımaq lazım
Oxudum, gəzdim, gördüm
Sən demə, artsa da xeyli yaşım, az ağlım
Mən düşünürdüm ki, sevmək
Bir gün sevgiyə ölməkdir
Mənə öyrətdin, içdən sevəndə
Sevgiliyə görə yaşamaq lazım

****
Bu dünyada tək ümid yerimsən
Çox sağ ol ki, sən
Çox sağ ol ki, sən

Güvəndiyim bərk, sarıldığım tək
Çox sağ ol ki, sən
Çox sağ ol ki, sən

****
Bu dünyada tək ümid yerimsən
Çox sağ ol ki, sən
Çox sağ ol ki, sən

Güvəndiyim bərk, sarıldığım tək
Çox sağ ol ki, sən
Çox sağ ol ki, sən