Sevib əzizləyərdim
Toyunu gözləyərdim
Nəhayət ki, toy oldu.
Oğlum bu gün bəy oldu.

Bəyimizin anası,
Sevincdən gözü doldu.
Ağladı kövrəy oldu
Oğlu bu gün bəy oldu.

Hədiyyəsi əbası,
Dostların səs sədası
Aləmə örnək oldu
Oğlum bu gün bəy oldu.

Əziz toy adamları
Gəlinimin qədəmləri,
Gül oldu çiçəy oldu
Oğlum bu gün bəy oldu.

Bir nəmər sağ dışından,
Bir nəmər sol dışından.
Topladılar pay oldu
Oğlum bu gün bəy oldu.

Arzularına yetirdik
Gedib gəlin gətirdik
Xəyallar gerçək oldu,
Oğlum bu gün bəy oldu