Baxışlı - İllərim

Bu ömür dediyin bir su misalı,
Məni qurtum-qurtum içdi, illərim
Hələ mən qurmamış gənclik xəyalı
Bilmədim heç necə keçdi, illərim

Boş ümid, arzuya qapılıb durdum.
Xoşbəxtlik adında min xəyal qurdum,
Həm özümü yordum, həm səni yordum
İndi anlasam da gecdi, illərim.

Artıq ötüb keçdi, ömrün baharı,
Ünvana yetişir əcəl qatarı
Bir anlıq dönüb baxdım arxaya sarı
Gördüm ki, puç olmuş heçdi, illərim.