Miri Yusif

Qəfəsdən uçmaq hər quşun hədəfi
Hələ bu Ayın görünən tərəfi
Getdiyin yollar dönər mənə geri
Örtər asiman yeri
Bağlanar gecə, açılar səhər
Həsrət uzanar quru sərhədlər qədər
Quma qarışar qara kölgələr
Qıvrılar ilan kimi
Hava tutqun, dumanlıdır qəlbimin yarımadasında
Sən məni yarı yolda, yarı-yarı yolda məni yarım qoydun, getdin
Məni yarı yolda, yarı-yarı yolda məni yarım qoydun, getdin
Sən məni yarı yolda, yarı-yarı yolda məni yarım qoydun, getdin
Qoydun, getdin
Bizi yarım etdin

Mən bir parça köz, sən bir parça kül
Mən bir damla su, sən bir incə gül
İki ləçəyin quruyar biri
Dünya imtahan yeri
Yadımdadır, biz soyuduq bir az
Doğum günüm payız, ürəyimdə yaz
Sən bu sökülən ömrün dan yeri
Küskünün uman yeri
Hava tutqun, dumanlıdır qəlbimin yarımadasında
Sən məni yarı yolda, yarı-yarı yolda məni yarım qoydun, getdin
Məni yarı yolda, yarı-yarı yolda məni yarım qoydun, getdin
Sən məni yarı yolda, yarı-yarı yolda məni yarım qoydun, getdin
Qoydun, getdin
Bizi yarım etdin