Mənə bircə məktub yaz
Getdiyin o uzaqdan
Həsrət qoxusu çəkim
Sətir-sətir varaqdan
Yaz, o təzə evindən
Dənizi görürsənmi?
Uzanıbmı saçların
Yenə tək hörürsənmi?
Yaz, tükənib hər şeydən
Darıxırsanmı sən də?
Düşürəmmi yadına
Saçın külək öpəndə?
Yaz, tükənib hər şeydən
Darıxırsanmı sən də?
Düşürəmmi yadına
Saçın külək öpəndə?
Öpəndə, öpəndə, öpəndə

Yaz, yenə sən güləndə
Batırmı sol yanağın?
De, gələcəkmi sonu
Bu sərsəm darıxmağın?
Mənə bircə məktub yaz
Yaz ki, bilim necəsən
Buz kəssə o məktubun
Yandıraram, üşüsəm
Yaz, tükənib hər şeydən
Darıxırsanmı sən də?
Düşürəmmi yadına
Saçın külək öpəndə?
Yaz, tükənib hər şeydən
Darıxırsanmı sən də?
Düşürəmmi yadına
Saçın külək öpəndə?
Öpəndə, öpəndə, öpəndə