Gəzib, gəzib dolaşdım dünyanı sərxoş kimi,
Yox olası yad eldə hər yer mənə boş kimi,
Çırpınaraq didindim yaralı bir quş kimi,
Dinlənəcək bir yuva bulamadım, bulamadım, bulamadım, neyləyim?
Ah, o Vətən, o yurdum. Eşsiz cənnət bir ölkə,
Onsuz böylə yaşamaq, məncə, iyrənc bir ləkə,
Onsuz din bir əfsanə, onsuz Tanrı bir kölgə,
Onsuz xilqətdən ilham alamadım, alamadım, alamadım, neyləyim?
Verin mənə yurdumu, qaya olsun, dağ olsun,
Mən ölürsəm yolunda sevənləri sağ olsun,
Üzümü toprağına sürəmədim, neyləyim?
Gəlibyaşıl qoynunan girəmədim, girəmədim, girəmədim, neyləyim?
Ah, o Vətən, o yurdum. Eşsiz cənnət bir ölkə,
Onsuz böylə yaşamaq, məncə, iyrənc bir ləkə,
Onsuz din bir əfsanə, onsuz Tanrı bir kölgə,
Onsuz xilqətdən ilham alamadım, alamadım, alamadım, neyləyim? neyləyim?
