Səməd Mehdizadə - Eşq

Gecə xəyalıyla yatıb hər səhər,
Görmək ümidiylə oyanmağdı eşq.
Həyata baxmağdı nağıllar kimi,
Min bir möcüzəyə inanmağdı eşq.

Onu hər görəndə dolaşdıqca dil,
Susur o danışsa dünya elə bil.
Nə sarılmaq deyil, nə öpmək deyil,
Əlini tutmağa utanmağdı eşq.

Hər şeydə biraz o, düşünür adam
Havada ayrı tam, suda ayrı tam.
Həyat gözlərində dəyişir tamam.
Elə bil yenidən yaranmağdı eşq.

Ovcunun içinə həyat yerləşir.
Sıxırsan buludu, ayı, günəşi.
Yerdə nə baş verir? nəbilim əşi...
Göylərin üstündə dolanmağdı eşq.

İncə ip üstündə dayanmağdı eşq.

Şirin nağıllara inanmağdı eşq