Gecə xəlvətcə bizə sevgili yar gəlmişidi,
Üzü aydanda gözəl nazlı nigar gəlmişidi...
Düşdüyüm eşq odu, eşq atəşi bəlliydi ona,
Mən kimi bir dəli divanəsi var gəlmişidi...

Sevgi bir daddiki acılar qarışıbdır şirinə,
Həsrətin ayrılığın yarəsi vurmuş dərinə,
Qısılıb bir otağın küncünə donmuş birinə,
Qışın oğlan çağı bir tazə bahar gəlmişidi.

Dayanıb üz-üzə ol yari danışdırmaq var,
Bu təlaşi bu həyacanı yığışdırmaq var,
Bu böyuk görüşü kiçik vaxta sığışdırmaq var,
Elə bil kos qoca dünya bizə dar gəlmişidi.

Son zamanlar düşunürdüm bir ümüd varmı yenə,
Gəlişiylə elə bil abu həyat verdi mənə,
Bu nə meydir, nə şərab bilmədim amma nədi nə,
Elə ilk badədə gözlərimə xumar gəlmişidi.

Dedi artıq gedirəm daha sənə qalmış hər şey,
Yalvarıb getmə dedim, axı yerin almış hər şey,
Özüm öz səsimə ayıldımki xəyalmış hər şey,
Yenə həsrət deyilən mərdiməzar gəlmişidi...