Orkhan Zeynallı, Rasim Müzəffərli - Sahildən Uzaq

Hər dəfə məni bura çıxaran həyat
Heç utanırsanmı cızdığın yoldan?
Heç nəyin dadını çıxara bilməməklə sınağın azdırmı?
Nə olar, bitsin bu kədər-qəm, mən daha yazmayım
Sən daha dinləmə heç nə
Nəfsimi bitirəndən yolumu da azmayım
Sevgilim desin ki, gec deyil

Göylərin təsəllisində qar var
Həyatımın hər zirvəsində karma, xatırladır qəmi
Yenə xoşbəxt sahildən uzaq batır gəmim
Sənə yaxın gəlim, ya da çox uzaq?
Axı mənə getmək yaraşır
Həyatım, deyəsən, hər 5 ildən bir
“Hər şeyi silib itmək” yarışı

Buralar mənə tanışdır
Bu ürək kibritimlə alışmır
Məni bu həyata küsdürən hər kəsi bağışladım
Amma həyatımın özü küsdür mənə və barışmır
Yenə uzaqlaşmışdım özümdən, məni bağışla
Çətindir bu qədər işığın içində səmimi qalmaq
Və təmiz sevgidən danışmaq

Məni qaytar suların saflığına
Sular ölmür, dərində boğulmur
İstədim hamı kimi olmadan istidə qalmaq
Ocaq saxta “камин”də doğulmur
Xatirə dəftərimə ürək sözünü yazma, sadəcə gülüş çək
Mənə soyuqdur, qızım, al bu ürəyi, üstünə Günəş çək

****
Nələr-nələr üzür qəlbimdə
Üzməyi bilməyən nə bilər?!
Rəqqaslartək süzür üstümdə
Fəlakət bilməyən gəmilər

Nələr-nələr üzür qəlbimdə
Üzməyi bilməyən nə bilər?!
Rəqqaslartək süzür üstümdə
Fəlakət bilməyən gəmilər

****
Məndən bu qədər, arzularımın hamısını yaşamağa
Yetmədi cürət, doymuram hələ də
Bu gün zirvədə görünə bilərəm
Sanma ki, dünya durub önümdə fərəqət
Hələ də möhtac hisslər mürəkkəblə vərəqə
Günahkarın son ümid yeri son tikəsindən vermək kimidir
Bu, Məkkədə sədəqə, nə qəribə yoldur bu

Hər dəfəsində qürurum əmr etdi
Cavabında əydim başımı
Nə qədər sirdaş satdı ki
Atdım dəniz dibinə sirrin daşını
Bu gün önümdə seçim var
Ya gözəl mahnılarla dolu həyatım
Amma əvəzində əbədi içim dar
Ya da bu səddi qırmağa gücüm var
Hələ keçim yan

Ayna, ayna, söylə
Nə qədər payımı saydı göylər?
Bu dəfə yay qısaydı böyüməyə
Kaş bir ömür çatmasaydı ölməyə
Yenidən başlamaq sıradan adamtək
Sıfırlanmaqla aram bərk

Sıxır, can qalmır, adımı çəkməyin
O qadınla otaqda qalım tək
Sadə bir ev, hamıdan biri
Amma cavandır ruhumuz, hamıdan diri
Sevgi göyərçinlərini pəncərələrdən qovuruq, qapıdan girir
Oyatmasın heç kim, əlini çək
Bura qaranlıq, qızım, quyudan çıxmağa bir ip çək

****
Nələr-nələr üzür qəlbimdə
Sevməyi bilməyən nə bilər?!
Rəqqaslartək süzür üstümdə
Fəlakət bilməyən sevgilər

Nələr-nələr üzür qəlbimdə
Sevməyi bilməyən nə bilər?!
Rəqqaslartək süzür üstümdə
Fəlakət bilməyən sevgilər