İlqar Muradov • Yaddaş

Keçən günə çatan günü
İtmiş vaxtı gəzirəm mən
Saçıma ağ sığal çəkib
Getmiş vaxtı gəzirəm mən
Göydələnin yerindəki
Məhəlləni gəzirəm mən
Xatirəmi gəzirəm mən
Göydələnin yerindəki
Məhəlləni gəzirəm mən
Bu şəhərdə hər tindəki
Xatirəmi gəzirəm mən
Qulağımda doğma səsi
Qalanları gəzirəm mən
Ürəyimdə əziz əksi
Olanları gəzirəm mən

Ömür axan bir su imiş
Yaxşısıyla, yamanıyla
Ömür şirin yuxu imiş
Doğrusuyla, yalanıyla
Keçən günə çatan günü
Ötmüş vaxtı gəzirəm mən
Getmiş vaxtı gəzirəm mən
Göydələnin yerindəki
Həyətini gəzirəm mən
Bu şəhərdə hər tindəki
Xatirəmi gəzirəm mən
Ömür axan bir su imiş
Gedəniylə, qalanıyla
Keçən günün içindəki
Yaddaşımı gəzirəm mən

Dostlarımın gəncliyini
O İlqarı gəzirəm mən
Can bir qəlbli qonşuları
Etibarı gəzirəm mən
Keçən günə çatan günü
İtmiş vaxtı gəzirəm mən
Dünənimi gəzirəm mən

Bu şəhərdə hər tindəki
Xatirəmi gəzirəm mən
Ürəyimdə əziz əksi
Olanları gəzirəm mən
Ömür şirin yuxu imiş
Doğrusuyla, yalanıyla
Qulağımda doğma səsi
Qalanları gəzirəm mən
Xatirəmi gəzirəm mən
İtmiş vaxtı gəzirəm mən