Pranga • Saudade

Uzanır yollar yenə
Nə qədər uzansa da
Gətirmir ötən illərimi onlar mənə
Sonlar yenə qapımı döyür
Tanışdır bu sonlar mənə
Yollar yenə uzanır
Amma ömür uzun deyil axı yollar qədər
Dönüb basdırmaq albomlara
Uşaqlıq illərini, ilk sevgini
Vəfasızdır ömür-gün
Elə bil ən vəfasız dostlar kimi
Həyat yarı, ömür qısa
Alovlu ruhum dönür buza
Vaxt gələndə mən də yolçu
Məni də ölüm udar, ömür uduzar
Bilirəm, bu dünya yalan
Qonağam yalan dünyada
Çevirib doğmanı yada
Gedir o zamansız qatar
Elə bil Tanrıya yadam
Elə bil unudub torpağı, daşı yaradan
Xatırlamır məni - dünyada ölən
Misralarda yaşayan adam
Bir sirrim var, daşıyıram özümlə
Gözümdən süzülən yağışlar yuyur
Bir sirrim var, nə ölülər anlayır
Nə korlar görür, nə karlar duyur
Bu sirri götürməz, deyirlər məzar
Sirr də qocalır sonda əzizim
Bir vaxt cavan-cavan şeirlər yazan
Şair də qocalır sonda, əzizim
Ömrümü aldı
İllər apardı
Dünyaya bizdən təkcə
Mahnılar qaldı
Ömrümü aldı
İllər apardı
Dünyaya bizdən təkcə
Mahnılar qaldı
Bu yollar aparır hara?
Sevinci kədərə qataraq
Ömrümü zamana sataraq
Durmadan günaha bataraq
Bu günü sabaha ataraq
Mən dünlərimdə yaşayıram
Bir vaxt "ağırdır" dediyim yükləri
İndi sevərək daşıyıram
Yoruluram
Taqətdən düşür əllər, yorulur dizlər
Mən fəth etdikcə dağılır dağlar
Quruyur həmin dənizlər
Yazırıq tarixi körpülər salıb
Ki gələnlər olsun izlə
Və biz də yaşayırıq
İnadkar mübarizəmizlə, musiqimizlə
Ömrümü aldı
İllər apardı
Dünyaya bizdən təkcə
Mahnılar qaldı
Ömrümü aldı
İllər apardı
Dünyaya bizdən təkcə
Mahnılar qaldı
Ömrümü aldı
İllər apardı
Dünyaya bizdən təkcə
Mahnılar qaldı
Ömrümü aldı
İllər apardı
Dünyaya bizdən təkcə
Mahnılar qaldı