Zülfuqar Məhərrəmov - Sənin Ürəyin Mənim Ürəyim 2025

Dərdlərim üst-üstə düşüb,
Həyat mənlə qəsdə düşüb.
Çarəsi yox, dərmanı yox,
Cavan yaşda xəstəyə düşüb —
Mənim ürəyim, mənim ürəyim.

Mənim ürəyim kədər çəkir,
Bu görkəmim nəzər çəkir.
Çox demisən mənə "ürəyim",
Gəl, gör indi nələr çəkir —
Sənin ürəyin, sənin ürəyin.

Məhəbbətimi məndən alıb,
Fələk məni dərdə salıb.
Sevmədim bir özgəsini,
İlk məhəbbətimdə qalıb —
Mənim ürəyim, mənim ürəyim.

Göz yaşı göz dəryasıdır,
Məhəbbətin mənasıdır.
Sən mənə rəhm eyləmədin,
İncimə, daş parçasıdır —
Sənin ürəyin, sənin ürəyin.

Ağlayıram, şən deyiləm,
Mən sevirəm, sən deyiləm.
Həyat məni çox dəyişib,
Mən əvvəlki mən deyiləm —
Mənim ürəyim, mənim ürəyim.

Gülməmişəm sən gedəni,
Görmək istəyirəm səni.
Bəlkə də mənsiz darıxır,
Bəlkə də istəyir məni —
Sənin ürəyin, sənin ürəyin.

Küsdü, incitdi məni,
Həsrətə qərq etdi məni.
İçki nədir, bilməz idim,
İçməyə öyrətdi məni —
Mənim ürəyim, mənim ürəyim.

Mən bilirəm dəyər nədir,
Qəmli xatirələr nədir.
Mənim kimi qəm çəkməmisən,
Axı nə bilir kədər nədir —
Sənin ürəyin, sənin ürəyin