Alihan Samedov • Azerbaycan Maralı 2004

Ay qız gəzmə aralı,
Könlüm səndən yaralı
Gözlərinə heyranam
Azərbaycan maralı.

Sən bulaq üstə gələndə,
Qıyqacı baxıb güləndə,
Aldın səbri qərarımı
Azərbaycan maralı.

Mən qurbanam gözlərə,
Şirin şirin sözlərə,
Bir qonaq gəl bizlərə
Azərbaycan maralı.

O günə qurban kəsərəm,
Gəlməsən səndən küsərəm,
Gəzərəm səndən aralı,
Azərbaycan maralı.

Gedək qırx qız yaylağına,
Maral ceyran oylağına,
Enək İsa bulağına
Azərbaycan maralı.

Turş su olsun yaylağımız,
Gözəl şuşa oylağımız,
Sən Olaydın Qonağımız,
Azərbaycan maralı.