Sabahın
Sabahın xeyir, mənim son daşım
Doğulan gündən mənim yoldaşım
Qorxularımdan çıxan sirr daşım
Oldu qanıma qəltan
Günortan
Günortan xeyir, yarılan qaşım
Yarımçıq qalan mənim savaşım
Canımı alan doğma qardaşım
Əridi mənim şamım
Axşamın
Axşamın xeyir, mənim başdaşım
Boyumu ölçən uzun qamışım
Apara bilmədiyim daş-qaşım
Candan doymayan yaşım

Qorxuram!
Qorxuram atdığım səhv addımlardan
Keçə bilmədiyim imtahanlardan
Sol əlimə verilən kitablardan
Qarşıdakı sorğu-sualdan
Qorxuram!
Qorxuram istidən, yanan alovdan
Susuzluqdan çatlayan dodaqlardan
İçimdə qaynayan duru poladdan
Yuxarıda duran paklardan
Qorxuram!
Bağlı ağız, hərəkətsiz əllərdən
Raqibin verdiyi həqiqətlərdən
Ölmüş qardaş cəsədini yeməkdən
Mən nəkirə nəsə deməkdən