Aydan Əliyeva - Qəribə Adam

Çəkilib sığınıbdır bir pəncərə küncünə
Ulduzlara baxan adam
Gələn səs divardakı saatındır
Qovur zamanı zaman insanı qovan kimi
Gecə də qəribədir elə bu adam kimi
Gah istidir, gah da soyuq
Göylər də ağlamaq istədi
Damcı-damcı, damcı-damcı

Qəribədir
Deyirlər, yaz yağışı tez kəsər
İndi səni gəzirəm hər gündüz-gecə
Yollar həmin yoldur, şəhər həmin şəhər
İnsanlar da qəribə baxırlar mənə

Salam, Bakı, mənəm o qərib adam
Şəhərin küçələrində mən yadam
Ya da dördbucaq içində keçir zaman
Bu şəhər qocalmaz sirli bir yarımada
Anlamaq olmur ki niyə belə oldu?
Bu şəhər həmişə qəribə adamlarla dolur
Bu şəhərdə 100 mənim kimisi var
Amma hələ də axtarışda, hələ də nəyisə gözləyir
Gedənlər də düşünmür geri dönməyi
Axı kimlərsə onları bu şəhərdə hələ də gözləyir...

Soruşsan ki, indi haradayam
Səni axtarıram həmin ünvanda
Bilirəm, hiss edirəm, sən də buradasan
Min qəribin içindən görürsən məni
Gecə də qəribədir elə bu adam kimi
Gah istidir, gah da soyuq
Göylər də ağlamaq istədi
Damcı-damcı, damcı-damcı

Qəribədir
Deyirlər, yaz yağışı tez kəsər
İndi səni gəzirəm hər gündüz-gecə
Yollar həmin yoldur, şəhər həmin şəhər
İnsanlar da qəribə baxırlar mənə