Qoymamısan məndə ağıl düşüncə.
Əl çəkəcəksənmi mənnən ölüncə.
Bu qısqanclığın sonu yoxdu məncə.
Sənlə ayrı qalmağımız yaxşıdı.

Yanaqlarımnan süzülən bax yaşa.
Dönübdür bu qədərmi qəlbin daşa.
Dərk elədim mən indi düşdüm başa.
Yad bir adam olmağimız yaxşıdı.

Boşdu sənlə sevgi haqda danışmaq.
Sənin ürəyin mənim ürəyimə qarşıdı.
Nə qədər olar küsüb birdə barışmaq.
Bəlkədə ayrılmağımız yaxşıdı

Zülmət otaqlar məni almış əsir.
Hər sözün ürəyimi bıçaq tək kəsir.
Ayrılığın yelləri vaxtsız əsir.
Doğru qərar almağımız yaxşıdı.

Mən bu sevgiyə sənlə saldım maraq.
Şübhələrin məncə nahaqdır nahaq.
Necə yaşayırdıq üç il beş il qabaq.
Bir az xəyala dalmağımız yaxşıdı.