Abdulla Axundov - Bilə Bilmərsən

Mənə dərdin saçlarımda ağaran tükdü,
Bu yoxluğun, bu səni sevən qəlbimə yükdü.
Səndən ötrü çəkdiyim həsrət elə böyükdü,
Sən o qədər böyüməmisən, hələ bilmərsən.

Çağırsam da, yenə yanıma gələ bilmərsən,
Mənim nələr çəkdiyimi bilə bilmərsən.
Mən ki sənsiz hər gecələr ölürəm, zalım,
Sən bir gecə mənim yerimə ölə bilmərsən.

Mən səni qəlbim, ürəyim, canım bilmişəm,
Dərdim olub, hər nə qədər, səninlə bölmüşəm.
Sənə görə ağlayıb nə qədər gözümü silmişəm,
Sən məni ömründən elə silə bilmərsən.