Elvin Mirzəzadə - Soruşma 2025

Məndən sənsizliyi soruşma!
Danışsın qoy səssizliyin, danışma!
Eşqini etiraf edən baxışla,
Mənə qəlbini, sevgini bağışla...

(Bənd 1)
Keçəndə ağlımdan, hər şey bəlli olur.
Üzümdə bir gülüş, içimdə bayram, şənlik olur.
Səndən öncə necə idi, səndən sonra necə oldu,
Yox idin, ağ-qaraydı hər şey, gəldin, rəngli olub.

Sən ruhuma qarışandan
Məni anlar qovuşanlar
Utanmadan, usanmadan
Gəl, hər şeyi soruş, amma...

(Nəqarət)
Məndən sənsizliyi soruşma!
Danışsın qoy səssizliyin, danışma!
Eşqini etiraf edən baxışla,
Mənə qəlbini, sevgini bağışla...

(Bənd 2)
Sevgi sarsılmaz, bilsək qədrin onun.
Hər bir addımında birgə öyrənsək bu yolu.
Yollar bitdiyi yerədək, günəşin söndüyü günədək,
Hər şey bitsə də yenə də, olsun sənli sonum.

Sən ruhuma qarışandan.
Məni anlar qovuşanlar.
Utanmadan, usanmadan,
Gəl, hər şeyi soruş, amma...

(Nəqarət)
Məndən sənsizliyi soruşma!
Danışsın qoy səssizliyin, danışma!
Eşqini etiraf edən baxışla,
Mənə qəlbini, sevgini bağışla