Mənim üçün nə ölüm var, nə olum
Qopan teləm bir rübabdan, İlahi
Apar məni, dərgahında qul olum
Qurtar məni bu əzabdan, İlahi
Ocaq çatdım dodağımda, əlimdə
Səndən uca söz olmadı dilimdə
Pay görmədim doğradığın dilimdə
Nə təzədir, nə xarabdır, İlahi?
Qurtar məni bu əzabdan, İlahi
Qurtar məni iztirabdan, İlahi
Qurtar məni əziyyətdən, İlahi
Qurtar məni məşəqqətdən, İlahi
Daha məndə nə ismət var, nə həya
Gözüm düşüb cənnətdəki almaya
Qul kimi də yaranmadım, olmayam
Niyə belə yubadırsan, İlahi
Yaradanda demişdin ki, sürüyüm mən
Bir dənəyəm yerdə gəzən sürümdə
Yığ üstümə, nəyin varsa, ərinmə
Məşəqqətdən, iztirabdan, İlahi
Qurtar məni bu əzabdan, İlahi
Qurtar məni iztirabdan, İlahi
Qurtar məni əziyyətdən, İlahi
Qurtar məni məşəqqətdən, İlahi
İnsanlara "mənimsiniz" demişdin
"Xəlq etdiyim bəndəmsiniz" demişdin
Bir bədbəxtə "əzizimsən" demişdin
Bu gündədir nə səbəbdən, İlahi?
Qurtar məni bu əzabdan, İlahi
Qurtar məni əziyyətdən, İlahi
Qurtar məni iztirabdan, İlahi
Qurtar məni məşəqqətdən, İlahi
Writer(s): Rövşən şərəfli, Vahid əziz
