Gülay Zeynallı • Deyəsən

Bu gecə yuxumda izlər salmısan
Yenə kirpiklərin yaşdır, deyəsən
Bu gün də halımı xəbər almasan
Yazacam: ‘’ürəyin boşdur, deyəsən’’

Gül açıb bar tutmur istəyim, arzum
Pərişan yuxumu nə cürə yozum?
Nədən parlamadı tale ulduzum?
Səhəri qüssəli açdı, deyəsən

[Nəqərat]
Nələr yaşamadıq, nələr danışdıq
Nələrdən keçmədik, küsdük, barışdıq
Bir şəklin gəlibdir telində işıq
Hələ oralarda qışdır, deyəsən
Bir şəklin gəlibdir telində işıq
Hələ oralarda qışdır, deyəsən

[Bənd 2]
Elə gözəl idin baxıb güləndə
Ömrümə nur kimi axıb gələndə
Ləngimə, qorxuram dərdi böləndə
Gileylə: ‘’Köçəri quşdur, deyəsən’’

[Nəqərat]
Nələr yaşamadıq, nələr danışdıq
Nələrdən keçmədik, küsdük, barışdıq
Bir şəklin gəlibdir telində işıq
Hələ oralarda qışdır, deyəsən
Bir şəklin gəlibdir telində işıq
Hələ oralarda qışdır, deyəsən

[Çıxış]
Düşmüşəm indi mən çox haldan-hala
Nə dövran, nə də ki sən gəldin yola
Nəbadə dünyada mən ola-ola
Gileylə: ‘’Köçəri quşdur, deyəsən’’
Nəbadə dünyada mən ola-ola
Görmədim, harasa uçdu, deyəsən