Ilham Baxışlı - Zaman göstərər

Sözlərin sehrinə uyma, aldanma,
Hər bir can deyən kəs, can verər sanma
Qəlbi daş olana çox da bağlanma
Üzünü gizlədər, hicran göstərər...

Yığışan çox olar keyfi-damağa
Dost deyib çıxarlar onda qabağa
Pis gündə onları bir çək sınağa,
Kim qalar, kim gedər, o an göstərər...

Nə dindən danışan iman göstərər
Nə haqdan danışan aman göstərər
Heç kimə bir günlə bel bağlama dost
Kimin nə olduğun zaman göstərər...