Ali Ashikar - Sənə Məktub Yazıram

Sənə məktub yazıram yolun düşsə bir də gəl bu dünyaya
Səni mənsiz qoyma ki düşmən olmayım hər iki dünyaya
Hər dəfə olduğu kimi mən qərq oluram yenə tərk-i dünyaya
Bu qədər çirkabin içində çox yaraşırdın sən ki dünyaya

Sənə məktub yazıram elə düşmüşəm ki hardasa dibdən
Sözüm ünvana çatacaq asılı qalanda mən hansısa ipdən
Dualar qaytaracaq səni bəlkə də etdiyim hər hansı qiptə
Səsim ucaltsın deyədir ruhunu göylərə edirəm diqtə

Sənə məktub yazıram içində hər söz cümləni seçərək
Hər vergülü düşünüb nöqtəni qoyuram yolları keçərək
Sənə çatmalı idi məktub axı yox idi başqa bir seçənək
Sənsiz duz yoxdur bu süfrədə dad vermir daha nə çörək

Sənə məktub yazıram köhnə eyvanın pəncərəsində
Yenə qeyb olur üzün yazının sonuncu mərhələsində
Şəhərin səs küyündə axtarıram sən incə səsindən
Yenə köhnə məhlədə binanın onuncu mərtəbəsində

****

Sənə məktub yazıram göndərirəm onu
Düşür hər dəfə amma yad əlinə yenə yad əlinə
Səni görmək üçün nə qədər yol gəldim
Görmədim amma ki yad əlinə toxunur yad əlinə

Sənə məktub yazıram göndərirəm onu
Düşür hər dəfə amma yad əlinə yenə yad əlinə
Səni görmək üçün nə qədər yol gəldim
Görmədim amma ki yad əlinə toxunur yad əlinə

****

Sənə məktub yazıram bir gecə
Gedərək , səni tək qoymadan öncə
Sənsizlik yarım qalxmaq kimidir əzizim masadan doymadan öncə
Getmək lazım bu şəhərdən, qış gəlmədən əvvəl,
Quşlar köçməmiş hələ, havalar lap soyumadan öncə

Sənə məktub yazıram, yazıram arada yadına sal məni hərdən
Heç kəs qaldıra bilməz səndən sonra təəssüf daha məni yerdən
Sənə məktub yazıram, oxuyarsan yorulanda naməmi hərdən
Büküldü kürəyim, qurban elədim gəncliyi illərə, qaməti dərdə

Sənə məktub yazıram, yazıram gözləmə məni, gözləmə gəlim
Bax yoluna, bir ömür həmənki limanda dayanıb gözləmə gəmi
Qayıtsam olmayacaq axı bir daha baxışım, duruşum, gözlərim həmin
O köhnə balkonun dəmirlərindən baxaraq yollara gözləmə məni

Sənə məktub yazıram, 2007-nin o qarlı yanvar ayından
Sonunda Həyat öyrətdi bizə Allah ayırmasa yollar ayırmaz
Ümidlər ölür, sevgilər ölür - hər şey sonunda səninlə bir ölür
Görmək, Sevmək səni bir saniyədə - yazmaq səni bir ömür

****

Sənə məktub yazıram göndərirəm onu
Düşür hər dəfə amma yad əlinə yenə yad əlinə
Səni görmək üçün nə qədər yol gəldim
Görmədim amma ki yad əlinə toxunur yad əlinə

Sənə məktub yazıram göndərirəm onu
Düşür hər dəfə amma yad əlinə yenə yad əlinə
Səni görmək üçün nə qədər yol gəldim
Görmədim amma ki yad əlinə toxunur yad əlinə