Xəzər Süleymanlı-ÖMÜR DƏFTƏRİM (Sailə Pənahın şeiri)

Ömrümə elə bir külək əsdiki
Bəlkədə payızda əsməyir belə
Köksümdə üryim elə əsdiki
Heç ağac kökündən əsməyir elə


Buludlar toqquşdu şimşəkdə çaxdı.
Bu yağan yağışdı yoxsa dolumu?
Yox yox dolu deyil yağışdı yağdı
Sel gəlib apardı sevgi yolumu


Səninlə sevgimiz yeniyetmədi
Getməyə qoymayım tutum qolundan
Əllərim çatmadı gücüm yetmədi
Saxlaya bilmədim səni yolundan


Eşqi məhəbbətdə həsrətdə varmış
Talehin qisməti beləymiş demək
Sənin bu gedişin qismətdə varmış
Küləyi yağışı bəhanə edək?


Mən artiq qorxmuram əsən küləkdən
Nə çaxan şimşəkdən yağan yağışdan
Mənim ilk baharım köçdü ürəkdən
Daha çəkinmirəm payızdan, qışdan.


Daha nəyim qalıb məndən aparsın
Bircə tək xatirə dəftərim qalıb
Dartsın vərəqləri cırsın qoparsın
İçində yazılar çoxdan qocalıb