Yağış

Dünən axşam çağı səndiz
Məni ağlatdı yağış
Yadıma saldı səni
Mətləbinə çatdı yağış
Küçələr oldu gözümdə
Yenə bir arpa çayı
Məni sənsiz necə nisgil selinə atdı yağış

Odu söndürmə suyun qaydasıdır amma dünən
Közərən könlümü yağdıqca alovlatdı yağış
Yada saldı o yağışlıq günü ki onda məni
Kəpənək tək başına şoqiylə oynatdı yağış

O qədər məstiydim heç bilmədim axır nə zaman
Sinəm üstdə sarılan telləri islatdı yağış
İnçə yarpaq tək əsib qoynuma girdin üşüdün
Şəkəri görnə məharətlə duza qatdı yağış

Damcı damçı sənə lay lay dedi qoynumda mənim
Nə dedim bəlkə səni körpəyə oxşatdı yağış
Sora bildim aparıb qurd keçinin şəngülüsün
Səni məndən alıb ancaq məni allatdı yağış
Dünən axşam yenə bir sevdada gördüm ki məni
Acılıqla o şirin xatirəni satdı yağış
Oyanırdım ki başım dəydi məlamət daşına
Məni royadan ayıtmaqda özü yatdı yağış