Orxan Ağalarov — Darıxıram

Bəs biz səninlə çox yol gedəcəkdik?
Sevəcəkdik bir-birimizi ölənə qədər?
Hələ nə qədər maneələr aşacaqdıq
Açacaqdıq dərin yol gələcəyimizə
Quracaqdıq hündür hasarlı ev, bərk bünövrə
Rəngarəng otaqlar içində biz
Hüzur içində bir-birindən ayrıla bilməyən ikimiz
Şam işığında rəqsimiz
Divarları bəzəyən fotolarda xoşbəxt əksimiz
Olacaqdıq şahid illərə, fəsillərə
Dillərə əzbər hekayə yazacaqdıq
Gələcək nəsillərə
Darıxıram, darıxıram
Saf sevgili anlar üçün
Darıxıram, darıxıram
Xoşbəxt zamanlar üçün
Qırdın qanadımı, çırpdın məni yerə top kimi
Yenidən qalxdım göylərə
Öyrətdin məni, önəmsəməyim heç kimi
Bağlanmayım dünyəvi şeylərə
Düşünmə ki, sən yoxsan, hər şey bitib
Daşa dəydi deyə sevgiyə inanım itib
Həyat çəkdi sınağına, vermədi aman
Yalan dolu həyat mənim üçün natamam
Gedənə yas saxlamazlar, deyirlər
Dalınca ağlamazlar, deyirlər
Gömdüm səni qəlbimdə dərinə
Göz yaşlarımla gül əkdim yerinə
Darıxıram, darıxıram
Saf sevgili anlar üçün
Darıxıram, darıxıram
Xoşbəxt zamanlar üçün
Darıxıram, darıxıram
Saf sevgili anlar üçün
Darıxıram, darıxıram
Xoşbəxt zamanlar üçün
Darıxıram, darıxıram
Saf sevgili anlar üçün
Darıxıram, darıxıram
Xoşbəxt zamanlar üçün
Written by: Orxan Ağalarov