Ramal Əhmədli - Ötüb Keçən Günlərimi Axtarırm 2024

ötüb keçən günlərimi axtarıram sözləri


Mən azmışam xəyalların dumanında,
Gah olanın,gah olmazın gümanında,
Bir dənizin gəmi gəlməz limanında,
Ötüb-keçən günlərimi axtarıram!

Xatirələr ürəyimdə qalaq-qalaq
Bir kitabtək oxuyuram varaq-varaq,
Səhifələrə dönə-dönə mən baxaraq
Ötüb-keçən günlərimi axtarıram!

O yollar ki,ilk addımı atmış idim,
O torpaq ki, ana kimi əziz bildim,
Elə bil ki,heç olmayıb, yuxu gördüm,
Ötüb-keçən günlərimi axtarıram!

O günlər ki,dünya hələ gözəl idi,
O günlər ki,bilməz idik,qəmi,dərdi,
O günlər ki,ömrümüzə nur ələrdi,
Ötüb-keçən günlərimi axtarıram!