Qara Yel – Payam Turk vəSeccad Colani

Bir tanınmaz küçənin doğmalığında itirəm
Qapılarda dolaşan göy səsini dindirirəm

Yolların könlü qabarlı
Ağacın barmağı donmuş
Göy özündən səpilir, rəngi qaçmış susmacalar

Gecədir, bir qara yel axmadadır
Kömürlü xatirələr daxmadadır

Gecədir, bir qara yel axmadadır
Kömürlü xatirələr daxmadadır
Key divarlar uzanır
Bacanın gözləri qorxur, yumanır

Mənsə darğın küçənin nisgilinə
Bir qab ürək paylayıram
Bəlkə də bir səhərin
Nəmli olan arzuları
Arzuları, hey

Doğubən hayqıracaq qara yellər susacaq
Qara yellər susacaq